باقات سيو في السعودية: وش تاخذ فعلاً مقابل كل ريال؟

كم تكلف خدمات السيو في السعودية؟

تكلفة خدمات السيو في السعودية تتراوح غالبًا بين 1,200 و5,000 ريال شهريًا للشركات الصغيرة والمتوسطة، وتزيد عن كذا للمواقع الكبيرة أو الأسواق التنافسية مثل الصحة والعقار.

ليش الفرق كبير كذا؟ لأن كلمة "باقة سيو" تُستخدم لأشياء مختلفة تمامًا. فيه باقة تعني "نكتب لك 4 مقالات"، وفيه باقة تعني "نشتغل على موقعك كامل ونقيس الإيراد". هذي أهم العوامل اللي تحرّك السعر:

باقات سيو MOSEO01: وش تشمل كل باقة؟

عندنا 3 باقات شهرية مبنية على إطار النمو حقنا 0 ← 1 ← ∞، وكل باقة لها مخرجات واضحة ومؤشر نجاح تقدر تحاسبنا عليه. ما نبيعك "عدد كلمات"، نبيعك مرحلة نمو.

وش يدخل في كل باقة؟

• تدقيق تقني: الزحف، الفهرسة، السرعة، الجوال، الصفحات المكررة، والبيانات المنظّمة. التفاصيل في خدمة السيو التقني.
• خريطة كلمات وصفحات: كل كلمة لها صفحة وحدة مسؤولة عنها، عشان صفحاتك ما تنافس بعض.
• محتوى مبني على اللي يدوّر عليه عملاؤك فعلاً: صفحات خدمات، أقسام، ومقالات تجيب عميل، مو زيارات بس. شوف استراتيجية المحتوى.
• تتبّع كل تحويل: نموذج، مكالمة، أو رسالة واتساب، ونعرف جا من أي صفحة ومن أي كلمة بحث. التفاصيل في تحليلات السيو.
• تقرير شهري واضح: صرفت كم، رجع لك كم، ووش الخطوة الجاية.

ووش ما يدخل؟ (الشي اللي ما أحد يقوله لك)

• ميزانية الإعلانات: السيو قناة، والإعلانات قناة ثانية بميزانية منفصلة.
• شراء روابط بالكيلو: ما نشتري روابط من مواقع مجهولة. الروابط اللي نبنيها تجي من محتوى يستاهل وعلاقات حقيقية.
• برمجة كبيرة أو تصميم موقع جديد: هذا مشروع منفصل في تصميم مواقع متوافقة مع السيو.
• ضمان المركز الأول: أي أحد يضمن لك المركز الأول في قوقل، يا أنه ما يعرف، يا أنه يبيعك كلمة ما أحد يدوّر عليها.

ليش أقل تعاقد عندنا 6 شهور؟

أقل تعاقد في كل باقاتنا 6 شهور، لأنها أقل مدة تقدر تحكم فيها على العائد من السيو بشكل سليم: تجمع بيانات كافية، وتقارنها بفترة قبلها، وتستبعد أي رقم شاذ يخرّب الحسبة.

يا أبو فهد، احنا نبيعك عائد بالريال، والعائد ما ينحسب من شهر أو شهرين. خلني أوضح لك ليش:

1. 1السيو يحتاج وقت يشتغل: أول شهرين غالبًا إصلاح تقني وفهرسة وبناء صفحات. جوجل يحتاج وقت يزحف ويفهم ويعيد الترتيب، والنتيجة الحقيقية تبدأ تبان بعدها.
2. 2حساب الـ ROI يحتاج بيانات كاملة: عشان نحسب العائد صح، نحتاج عدد كافي من الطلبات والعملاء من البحث، ونتابع العميل من أول زيارة لين يصير فلوس. دورة البيع في الشركات B2B لحالها ممكن تاخذ شهور.
3. 3نستبعد الأرقام الشاذة (Outliers): شهر فيه قفزة غريبة بسبب منشور انتشر، أو حملة إعلانية، أو زيارات وهمية من بوتات، ما يصلح نبني عليه قرار. مع 6 شهور نقدر نشوف الاتجاه الحقيقي ونطلّع أي رقم شاذ (Odd Data) من الحسبة.
4. 4المواسم تغيّر الأرقام: رمضان والعيد واليوم الوطني والجمعة البيضاء والعودة للمدارس كلها تأثر على البحث. 6 شهور تغطي أكثر من موسم، فما ننخدع بارتفاع موسمي ونسمّيه نجاح، ولا بنزول موسمي ونسمّيه فشل.
5. 5أثر الجلسة (Session Effect): سلوك الزوار يتغيّر حسب ظرف معيّن، مثل تحديث في خوارزمية جوجل أو حدث في السوق. فترة قصيرة ممكن تعكس هالظرف بس، والفترة الأطول تعطيك صورة عادلة.

عشان كذا، أي وكالة تحكم لك على السيو بعد شهر أو شهرين، تحكم على بيانات ناقصة. واحنا نفضّل نقولك الحقيقة من أول يوم: بعد 6 شهور يكون عندك قرار مبني على أرقام، تكمّل، تكبّر، أو توقف.

وش تقدر تتوقع من ميزانية 1,800 لـ 3,750 ريال شهريًا؟

بميزانية بين 1,800 و3,750 ريال شهريًا تقدر تاخذ شغل سيو حقيقي على موقع شركة أو متجر متوسط، بشرط إن عندك شخص في فريقك ينفّذ جزء من الشغل.

هذي الميزانية ما تكفي لوكالة تسوي كل شي لموقع فيه آلاف الصفحات، بس تكفي لنموذج "احنا نخطط ونقيس ونسوي الشغل الصعب، وفريقك ينفّذ الباقي". واقعيًا، هذا اللي تتوقعه خلال أول 6 شهور:

1. 1أول شهر: تدقيق تقني كامل وخطة إصلاح مرتبة حسب الأثر على الإيراد.
2. 2أول 3 شهور: إصلاح المشاكل اللي تمنع الفهرسة + تحسين أهم 5 لـ 10 صفحات بيع.
3. 3من الشهر 3 لـ 6: محتوى جديد على الكلمات اللي فيها نية شراء + تتبّع كامل للعملاء.
4. 4نهاية الشهر 6: قرار بالأرقام: وين نزوّد، ووين نوقف.

ليش متجر سلة غير موقع شركة B2B في السعر؟

المتجر الإلكتروني يكلّف أكثر غالبًا لأن عدد صفحاته أكبر بكثير، والشغل يكون على القوالب والأقسام والفلاتر، بينما موقع الشركة B2B صفحاته أقل بس كل صفحة تحتاج عمق ومحتوى يقنع لجنة شراء.

مثال حقيقي من شغلنا: متجر الخشيم زادت إيرادات الزيارات القادمة من نتائج البحث من 567 ألف إلى 1.87 مليون ريال خلال 6 أشهر. هذا النوع من النتائج يجي من شغل على الأقسام والقوالب، مو من مقالات بس. اقرأ دراسة حالة متجر الخشيم

مين يسوي إيش: فريقك ولا احنا؟

أغلب عملائنا عندهم فريق تسويق داخلي، والسؤال الحقيقي مو "وكالة ولا موظف"، السؤال: مين يسوي أي جزء؟ هذا التقسيم اللي نشتغل فيه غالبًا:

مهم: كل الحسابات (Search Console، GA4، ملف النشاط) تكون باسمك أنت، مو باسمنا. لو وقفنا الشغل في يوم، كل شي يبقى عندك.

كيف تقارن بين عرضين سيو؟

قارن عروض السيو على 5 أشياء: المخرجات المكتوبة، وطريقة القياس، ومين يملك الحسابات، ومدة العقد، وإيش اللي ما يدخل في السعر. لا تقارن على عدد الكلمات أو عدد الروابط.

متى يرجع لك استثمارك في باقة السيو؟

السيو يرجّع استثماره غالبًا بين الشهر 6 و12، حسب قطاعك وقيمة العميل عندك. الحسبة البسيطة: كم عميل تحتاج من البحث كل شهر عشان تغطي تكلفة الباقة؟

يا أبو فهد، بدل ما تسأل "كم السعر؟"، اسأل "كم يساوي العميل لي؟" خلنا نحسبها مع بعض بمثال على باقة 1:

الحسبة: 2,699 ÷ (4,000 × 15%) = 4.5، يعني تقريبًا 5 طلبات مؤهلة في الشهر والباقة تغطي نفسها. وكل طلب بعدها ربح.

هذا مثال توضيحي، مو وعد. أرقام شركتك هي اللي تحدد. وفي حالة حقيقية معنا، زاد عدد العملاء المحتملين 1,200% خلال 8 أشهر.

مقارنة سريعة: السيو مقابل الإعلانات

الإعلانات تجيب نتيجة اليوم، وتوقف اليوم اللي توقف فيه الدفع. السيو يبطّئ في البداية، بس الصفحة اللي تتصدر تفضل تجيب عملاء بدون ما تدفع على كل نقرة. والنقرة على كلمة مثل "شركة سيو في الرياض" تتجاوز 100 ريال في الإعلانات. الأفضل غالبًا إنك تستخدم الاثنين مع بعض، وتوزّع الميزانية بالأرقام.

أسئلة شائعة عن باقات السيو